Gondia Crime News : मजुरीचे पैसे मागितले म्हणून ठेकेदारानेच केली मजुराची निर्घृणपणे हत्या; दोन आरोपींना अटक, गोंदिया हादरलं!

Gondia Crime News : गोंदियाच्या रायपूर गाव शिवारातून एक अतिशय धक्कादायक बातमी समोर आली आहे. यात धारदार शस्त्राने वार करून एका युवकाची अज्ञातांनी हत्या (Gondia Crime News) केल्याची घटना घटना घडलीय. गोंदियाच्या रायपूर गाव शिवारातील रायपूर-सालईटोला मार्गावर मंगळवार 2 सप्टेंबर रोजी रात्री 11.30 वाजताच्या सुमारास हि घटना घडली होती. याप्रकरणाचा स्थानिक गुन्हे शाखा आणि दवनीवाडा पोलिसांनी उलगडा केला आहे. कपूरचंद उर्फ बंटी हरिचंद ठाकरे (39) व ओमकार चेतराम नेवारे (52) दोन्ही रा. रायपूर जि. (Gondia) अशी अटक करण्यात आलेल्या आरोपींची नावे आहेत.

मृतक हसनलाल पाचे हे आरोपी कपूरचंद ठाकरेकडे बांधकामावर मजुरीचे काम करीत होता. घटनेच्या दिवशी मृतक आणि आरोपी ठाकरे यांच्या मजुरीच्या पैशावरून वाद (Crime News) झाला, यातच ठाकरे याने हसनलाल याला बेदम मारहाण करून धारदार शस्त्राने वार करून हत्या केल्याचे तपासात निष्पन्न झाले. या प्रकरणात पोलिसांनी दोघांना अटक केली असून घटनेच्या पुढील तपास स्थानिक गुन्हे शाखेचे पोलीस निरीक्षक पुरुषोत्तम अहेरकर यांच्या मार्गदर्शनात दवनीवाडा पोलीस स्टेशनचच्या पोलीस निरीक्षक वैशाली ढाले करीत आहेत.

जनावरांची अवैध वाहतूक करणारे 3 वाहन गोरेगाव पोलिसांनी पकडले

गोंदियाच्या गोरेगाव पोलीस स्टेशन अंतर्गत येणाऱ्या खाडीपार जवळ जनावरांची अवैध वाहतूक करणाऱ्या 3 पिकअप वाहनांवर गोरेगाव पोलिसांनी कारवाई केली असून यापैकी 1 वाहन उलटल्याने 9 जनावरांचा मृत्यू झालाय. तर इतर 27 जिवंत जनावरे किंमत 1 लक्ष 62 हजार रुपयांची गोवंश जनावरे पोलिसांनी ताब्यात घेत गौशाळेत पाठवले आहेत. तर याप्रकरणी गोरेगाव पोलिसांनी भंडारा जिल्ह्यातील तिघांवर गुन्हा दाखल केला आहे. सोयब्ब सैय्यद रा.लाखनी, आशिष गभने रा., रोहीत निबांर्ते रा.केसलवाडा अशी गुन्हा दाखल झालेल्या तिघांची नावे आहेत.

शासकीय कंत्राटदार असल्याचा बनाव, 24 लाखांची कॉपर केबल चोरी

शासकीय कंत्राटदार असल्याचा बनाव करून 24 लाखांची कॉपर केबल चोरी करण्यात आल्याची घटना चंद्रपुरात घडली आहे. या प्रकरणी आंतरराज्यीय टोळीला एलसीबीकडून अटक करण्यात आली असून यात 24 लाखांच्या चोरी गेलेल्या कॉपर केबलसह 44 लाखांचा मुद्देमाल जप्त करण्यात आला आहे. बीएसएनएलच्या कनिष्ठ अभियंत्याने नगीना बाग परिसरातून कॉपर केबल चोरी गेल्याची तक्रार दिली होती. या तक्रारीवरून सुरू झालेल्या तपासात पोलिसांनी शहराजवळील कोसारा परिसरात छापा टाकून चोरीचा मुद्देमाल जप्त केलाय. आरोपी उत्तरप्रदेशातील बदायु येथील असून कंत्राटी कामगार असल्याचं भासवून या आरोपींनी केबलची चोरी केली होती. सध्या या घटनेचा पुढील तपास स्थानिक गुन्हे शाखेकडून सुरू आहे.

ही बातमी वाचा: